گرین ٹی یا سبز چائے کو اگر دنیا کا سب سے مشہور اور زیادہ پیا جانے والے مشروب کہا جائے تو بے جا نہ ہو گا۔ لیکن سوال یہ ہے کہ کیا آپ سے ہر روز استعمال کرتے ہیں؟ اگر آپ کا جواب ناں میں ہے تو یہ کوئی اچھی بات نہیں ہے۔گرین ٹی کے فوائد اس قدر زیادہ ہیں کہ آپ کو ہر صورت اسے روزانہ استعمال کرنا چاہیئے۔ سبز چائے آپ دن میں کسی بھی وقت پی سکتے ہیں۔
کولیسٹرول لیول کو کم کرنے سے لے کر دل کی صحت کو بہتر بنانے تک اس چائے کی بہت زیادہ فائدے ہیں۔ اس کے ساتھ ساتھ گرین ٹی کا استعمال آپ کی ہڈیوں کی صحت کو برقرار رکھنے میں بھی مدد فراہم کرے گا۔
تو چلیں پھر بات کرتے ہیں گرین ٹی کے فوائد پر۔
گرین ٹی کے فوائد
سبز چائے کے فوائد کے متعلق جاننا آپ کے لیے نہایت ضروری ہے۔ تا کہ ان فوائد کو جان کر آپ اسے اپنی روٹین میں شامل کر سکیں۔
اینٹی آکیسڈنٹس سے بھرپور
سبز چائے میں پولی فینول کی ایک قسم پائی جاتی ہے جو کہ اینٹی آکسیڈنٹ پر مشتمل ہوتی ہے۔ گرین میں پائے جانے والے اینٹی آکسیڈنٹس سیلز کو پہنچنے والے نقصان کو کم کرتے ہیں اور ان سیلز کی صحت کو برقرار رکھنے میں مدد فراہم کرتے ہیں۔
اس کے علاوہ سبز چائے میں سوزش کو کم کرنے والی خصوصیات بھی پائی جاتی ہیں۔ اس لیے گرین ٹی کا استعمال جسم کے مختلف، بیرونی و اندرونی، اعضاء کی سوزش کو کم کرنے میں مدد فراہم کرتا ہے۔
ایک طبی تحقیق کے مطابق گرین ٹی کی سوزش کو کم کرنے والی خصوصیات کینسر کی کچھ اقسام جیسا کہ چھاتی کے کینسر کو روکنے میں بھی مدد فراہم کرتی ہیں۔
دماغ کی صحت میں بہتری
کیا آپ کو توجہ مرکوز کرنے میں مشکل پیش آتی ہے؟ تو پھر آپ گرین ٹی استعمال کیوں نہیں کرتے؟ اگر آپ گرین ٹی کو باقاعدگی کے ساتھ استعمال کرنا شروع کریں گے تو آپ کے دماغ کی صحت میں بہتری آنا شروع ہو جائے گی۔
گرین ٹی میں پائے جانے والے کمپاؤنڈز دماغی صلاحیت میں اضافہ کرتے ہیں۔ یہ بات بھی آپ بخوبی جانتے ہوں گے عمر بڑھنے کی وجہ سے دماغ کے کام کرنے کی صلاحیت متاثر ہوتی ہے۔ تاہم اگر آپ ابھی سے گرین ٹی یا سبز چائے استعمال کرنا شروع کر دیں تو دماغی امراض کے خطرات میں خاطر خواہ کمی آئے گی۔
مزید پڑھیں: ٹیسٹوسٹیرون والی غذائیں
گرین ٹی کے فوائد سے وزن میں کمی
اب بات کرتے ہیں گرین ٹی کے سب سے بہترین فائدے کی۔ یعنی اس کی وزن کو کم کرنے کی صلاحیت۔ گرین ٹی میں پائے جانے والے کمپاؤنڈز موٹاپے کو کم کرنے میں مدد فراہم کر سکتے ہیں۔
آپ یقینناً یہ سوچ رہے ہوں گے کہ گرین ٹی وزن کو کیسے کم کرتی ہے؟
سبز چائے دو طرح سے آپ کے وزن میں کمی لا سکتی ہے۔ جب آپ گرین ٹی کو استعمال کرتے ہیں تو آپ کو بھوک کم لگتی ہے۔ جس کی وجہ سے آپ کھانا کم کھاتے ہیں اور وزن کم ہونا شروع ہو جاتا ہے۔
اس کے ساتھ ساتھ سبز چائے کے استعمال سے میٹابولزم میں بھی بہتری آتی ہے۔ اگر میٹابولزم بہتر ہو جائے تو جسم میں موجود چربی سے چھٹکارا پانا آسان ہو جاتا ہے۔
مزید پڑھیے: ایرل گرے ٹی کے فوائد
ہڈیوں کی صحت میں بہتری
گرین ٹی کے فوائد میں یہ بھی شامل ہے کہ اس کے استعمال سے ہڈیوں کی صحت میں بہرتی ہے۔ طبی تحقیقات یہ بات ظاہر کرتی ہیں گرین ٹی کے استعمال سے ہڈیاں بھربھری نہیں ہوتیں۔ اس وجہ سے معمولی چوٹ کی وجہ سے ان کے ٹوٹنے کے خطرات میں خاطر خواہ کمی آتی ہے۔
اس کے ساتھ ساتھ سبز چائے کے استعمال سے بون ڈینٹسٹی میں بھی اضافہ ہوتا ہے۔ جو لوگ سبز چائے استعمال کرتے ہیں، عمر میں اضافے کی وجہ سے ان کی ہڈیوں پر منفی اثرات مرتب نہیں ہوتے۔
بلڈ شوگر میں کمی
جو لوگ ذیابیطس کا شکار ہیں ان کے لیے سبز چائے فائدے مند ہے۔ یہ بات یاد رہے کہ اس میں ایل-تھیانائن پایا جاتا ہے جو کہ ذیابیطس سے بچاؤ میں مفید ثابت ہوتا ہے۔
اس کے ساتھ ساتھ کچھ دوسری تحقیقات یہ بات ظاہر کرتی ہیں کہ گرین ٹی کے استعمال سے بلڈ شوگر میں بھی کمی لائی جا سکتی ہے۔ گرین ٹی کا استعمال جسم کی انسولین سے حساسیت میں بھی بہتری لاتا ہے۔
پروسٹیٹ کی صحت میں بہتری
گرین ٹی کے فوائد میں یہ بھی شامل ہے کہ اس کے استعمال سے پروسٹیٹ کی صحت میں بہتری ہے۔ جیسا کہ اوپر میں لکھ چکا ہوں کہ اس میں پولی فینولز پائے جاتے ہیں جو پروسٹیٹ کی بیماریوں سے بچاؤ میں مدد فراہم کر سکتے ہیں۔
اگر آپ کو پروسٹیٹ کے مسائل لاحق ہو جائیں تو آپ بار بار پیشاب آ سکتا ہے۔ اس لیے کوشش کریں کہ گرین ٹی کو باقاعدگی کے ساتھ استعمال کریں تا کہ آپ کے پروسٹیٹ کے سائز میں اضافہ نہ ہو۔
ذہنی دباؤ میں کمی
کیا میں آپ کو سبز چائے کا سب سے بڑا فائدہ بتاؤں؟ اس کا استعمال ذہنی دباؤ اور اضطراب کو کم کرنے میں مدد فراہم کر سکتا ہے۔
آپ یہ بات بخوبی جانتے ہیں کہ ذہنی دباؤ کی وجہ سے آپ کے بلڈ پریشر میں اضافہ ہو سکتا ہے اور آپ کا موڈ بھی خراب ہو جاتا ہے۔ اس لیے یہ ضروری ہے کہ گرین ٹی کو استعمال کریں اور ذہنی صلاحیت میں اضافہ کریں۔
گرین ٹی بنانے کا طریقہ
گرین ٹی بنانے کا سب سے بہترین طریقہ یہ ہے کہ پانی کو کسی برتن میں ابال لیں۔ پھر کپ میں ڈالیں۔ اور پھر کپ میں ٹی بیگ ڈال دیں۔ کچھ دیر بعد ٹی بیگ نکال لیں۔ لیجیے مزیدار گرین ٹی تیار ہے۔
تاہم گرین ٹی بناتے وقت چینی شامل کرنے سے گریز کریں۔
گرین ٹی کے نقصانات
عام طور گرین ٹی کے نقصانات نہیں ہوتے۔ تاہم اگر آپ سے زیادہ مقدار میں استعمال کرنا شروع کر دیں تو کسی بھی دوسری چیز کی طرح اس کے نقصانات ظاہر ہو سکتے ہیں۔ اس لیے گرین ٹی کے نقصانات سے بچیں اور اس کو دن میں دو سے تین مرتبہ استعمال کریں۔
کچھ آخری الفاظ
گرین ٹی کے فوائد تو آپ نے جان لیے ہیں۔ اس لیے اب اس کا استعمال یقینی بنائیں۔ مزید معلومات کے لیے ایور ہیلدی سے جڑے رہیں۔
سوالات و جوابات
Green Tea Benefits in Urdu
کیا آپ اپنے مدافعتی نظام کو مضبوط بنانا چاہتے ہیں تا کہ بیماریاں آپ کو متاثر نہ کریں؟ اور کیا آپ آسانی کے ساتھ پیٹ کی چربی اور وزن کو کم کرنا چاہتے ہیں؟ تو آپ پھر آپ کو گرین ٹی کا استعمال یقینی بنانا ہو گا۔ گرین ٹی کے فوائد بہت زیادہ ہوتے ہیں اور یہ آپ کی صحت کے لیے ایک معجزہ ثابت ہوتی ہے۔
جب آپ گرین ٹی کو اپنی روٹین میں شامل کرتے ہیں تو اس سے آپ جسم کو اینٹی آکسیڈنٹس حاصل ہوتے ہیں۔ یہ اینٹی آکسیڈنٹس نقصان دہ بیکٹیریا اور مالیکیولز کو آپ کے جسم کو نقصان نہیں پہنچانے دیتے۔ اور آپ کے اندرونی و بیرونی اعضاء بھی سوزش کا شکار نہیں ہوتے۔
کچھ لوگ پیٹ کی چربی سے نجات پانے کو بہت مشکل کام سمجھتے ہیں۔ انہیں لگتا ہے کہ اس چربی سے نجات پانے کے لیے انہیں بہت سارے پیسے خرچ کرنا ہوں گے۔ ڈائیٹ پلان فالو کرنا ہو گا۔ اور جم کی مہنگی ممبر شپ خریدنا ہو گی۔ لیکن حقیقت میں ایسا نہیں ہے۔
گرین ٹی کی مدد سے آپ آسانی کے ساتھ اس چربی سے چھٹکارا پا سکتے ہیں۔ جب آپ وزن کم کرنے کے سفر کے دوران گرین ٹی استعمال کرتے ہیں تو اس سے آپ کا میٹابولزم تیز ہوتا ہے۔ میٹابولزم جسم میں ہونے والے ایک ایسے کیمیکل ری ایکشن کو کہتے ہیں جو خوراک اور مشروبات کو انرجی میں تبدیل کرتا ہے۔
اس کے علاوہ اگر انٹرمیٹنٹ فاسٹنگ کے دوران گرین ٹی استعمال کریں گے تو اس سے آپ کو مزید فوائد حاصل ہوں گے۔ مثال کے طور پر آپ کا انرجی لیول بڑھے گا اور آپ کو بھوک پر قابو پانے میں بھی مدد ملے گی۔
اس کے ساتھ ساتھ گرین ٹی آپ کو ذہنی دباؤ کو بھی کم کرنے میں مدد دیتی ہے۔ اگر روزمرہ کے مسائل کی وجہ سے ذہنی دباؤ کا شکار ہیں تو گرین ٹی کو اپنی روٹین میں ضرور شامل کریں۔ یہ آپ کی صحت کے لیے ایک معجزہ ثابت ہو گی۔
Green Tea Benefits for Weight Loss in Urdu
بہت سارے لوگوں کی جانب سے آپ نے یہ لطیفہ سنا ہو گا کہ گرین ٹی پینے سے صرف گرین ٹی کم ہوتی ہے، وزن کم نہیں ہوتا۔ کیا اس بات کا حقیقت سے کوئی تعلق ہے کہ گرین ٹی سے وزن کم نہیں ہوتا؟
تو یہ بات یاد رکھیں کہ گرین آپ کو وزن کم کرنے میں مدد دیتی ہے، نہ کہ خود سے وزن میں کمی لاتی ہے۔ مثال کے طور پر اگر آپ فاسٹ فوڈ یا چینی استعمال کرتے ہیں اور بعد میں گرین ٹی لینے کے بعد توقع رکھتے ہیں کہ آپ کا وزن کم ہو جائے گا تو ایسا بالکل بھی نہیں ہو گا۔
گرین ٹی صرف تبھی وزن کم کرنے میں مدد دے گی جب آپ اس کے ساتھ صحت مند عادات اپنائیں گے۔ قدرتی خوراک یعنی پھل اور سبزیاں وغیرہ استعمال کریں۔ پانی زیادہ پئیں۔ یا پھر انٹرمیٹنٹ فاسٹنگ کو اپنی روٹین میں شامل کریں۔ اگر آپ یہ سب کر لیتے ہیں اور ساتھ میں گرین ٹی استعمال کرتے ہیں تو امید ہے چند ہی دنوں میں آپ وزن میں کمی محسوس کرنا شروع ہو جائیں گے۔
Green Tea Side Effects – Nuqsan in Urdu
گرین ٹی کا استعمال زیادہ تر افراد کے لیے بالکل محفوظ ہوتا ہے۔ تاہم یہ بات یاد رکھیں کہ اس میں بھی کیفین پائی جاتی ہے جو کہ کچھ لوگوں کے لیے نقصان دہ ہو سکتی ہے۔ خاص طور پر ان لوگوں کے لیے جن کو کیفین سے الرجی ہوتی ہے۔
دن میں ایک سے تین بار گرین ٹی کو استعمال کیا جا سکتا ہے۔ گرین ٹی میں آپ نے چینی شامل نہیں کرنی۔ وگرنہ یہ اپنی افادیت کھو دے گی۔
