سانس کی تنگی کا علاج – اب صحت مند رہیں سال بھر

سانس لینے میں دشواری ایک ایسا مسئلہ ہے جو دنیا بھر میں ہر سال لاکھوں لوگوں کو متاثر کرتا ہے۔ یہ طبی علامت بچوں اور بوڑھوں سیمت ہر ایک کو متاثر کرتی ہے۔ اگر اس کی جانب توجہ نہ دی جائے تو سانس کی تنگی ایک خطرناک طبی مسئلہ ثابت ہو سکتی ہے۔ اس لیے آج ہم سانس کی تنگی کے علاج پر بات کریں گے۔

سانس لینے میں دشواری کا علاج کوئی مشکل نہیں ہے۔ اس بیماری سے قدرے آسانی کے ساتھ چھٹکارا پایا جا سکتا ہے۔ لیکن آپ کو اپنی زندگی میں مثبت تبدیلی لانا ہو گی۔ کچھ چیزوں سے بچنا اور کچھ کا استعمال کرنا ہو گا۔ اس کے علاج پر بات کرنے سے پہلے سانس کی تنگی کی وجوہات کے متعلق جاننا ضروری ہے۔

ان وجوہات کو جاننے کے بعد آپ فیصلہ کر سکیں گے کہ کون سا علاج آپ کے لیے بہتر رہے گا۔ تو چلیے پھر سانس لینے میں دشواری کی وجہ جانتے ہیں۔

Table of Contents

سانس لینے میں دشواری کی وجہ

درج ذیل وجوہات کی بنیاد پر آپ کو سانس لینے میں دشواری کا سامنا کرنا پڑ سکتا ہے۔

کاربن مونوآکسائڈ

دل کا دورہ

دمہ کا دورہ

الرجک ری ایکشن

پھیپھڑوں میں خون کا جم جانا

اگر سانس لینے میں دشواری کا علاج نہ کیا جائے تو اس کی وجہ سے سنگین طبی مسائل لاحق ہو سکتے ہیں۔ اس لیے ڈاکٹر حضرات یہ مشورہ دیتے ہیں کہ سانس کی دشواری کی طرف بر وقت توجہ دینی چاہیے۔

مزید پڑھیے: آنکھوں کے گرد سیاہ حلقوں کا علاج

سانس کی تنگی کا علاج – Saans Ki Tangi Ka Ilaj

اگر آپ کو سانس لینے میں مسئلہ پیش آتا ہے تو مندرجہ ذیل طریقوں کی مدد سے آپ اس سے نجات پا سکتے ہیں۔

سانس لینے کا صحیح طریقہ

حیران نہ ہوں۔ سانس لینے کا صحیح طریقہ ہی سانس لینے میں دشواری کا پہلا علاج ہے۔ اگر کچھ بیماریوں کی وجہ سے آپ سانس لینے میں دشواری کا سامنے کرتے ہیں تو سانس لینے کا صحیح طریقہ آپ کے لیے مددگار ہو سکتا ہے۔ یہ طریقہ آپ کے سانس لینے کی رفتار کو کم کرتا ہے۔

سانس لینے کا صحیح طریقہ یہ ہے کہ آپ نے گردن اور کندھوں کے پٹھوں کو ریلیکس کرنا ہے۔ نتھنوں سے سانس کو اند کھنیچنا ہے، اس دوران آپ نے منہ بند رکھنا ہے۔ اس کے بعد آپ نے سیٹی بجانے والے پوز میں ہونٹوں کو کھولنا ہے۔ اور آہستہ آہستہ سانس کو باہر نکالنا ہے۔

ایکسر سائز

ہائی بلڈ پریشر سے لے کر ذہنی دباؤ تک ایسی کتنی ہی بیماریاں ہیں جن کے علاج میں ورزش کرنے کا مشورہ دیا جاتا ہے۔ اگر آپ کو سانس لینے میں مشکلات کا سامنا ہے تو آپ کے لیے ورزش کی عادت کو اپنانا نہایت ضروری ہے۔

جب آپ ایکسر سائز کریں گے تو اس سے آپ کے دل اور پھیپھڑوں کی صحت بہتر ہو گی۔ ان کے پٹھے مضبوط ہوں گے۔ جس کی وجہ سے آپ کو سانس لینے میں دشواری کا سامنا نہیں کرنا پڑے گا۔

سونے کی صحیح پوزیشن

کچھ لوگوں کو نیند کے دوران سانس کی تنگی کا سامنا کرنا پڑتا ہے۔ اس وجہ سے ان کی نیند خراب ہوتی ہے اور انہیں بار بار اٹھنا پڑ سکتا ہے۔ جن لوگوں کو اس مسئلے کا سامنا کرنا پڑتا ہے، انہیں طبی ماہرین کی جانب سے کچھ مشورے دیے جاتے ہیں۔ یہ مشورے میں یہاں لکھنے لگا ہوں۔

پہلا مشورہ یہ ہے کہ آپ نے کروٹ لے کر سونا ہے۔ دوسری تجویز یہ ہے آپ کو سر کے نیچے تکیہ رکھ کر سونا ہو گا۔ ان دونوں مشوروں پر عمل کرنے سے تھوڑے دنوں میں سانس لینے میں دشواری کے مسئلے پا قابو پا لیں گے۔

مزید پڑھیں: بلغم کا علاج

بلیک کافی کا استعمال

بلیک کافی کے استعمال کو سانس لینے میں دشواری کا علاج سمجھا جاتا ہے۔ کچھ طبی ماہرین بھی یہ رائے رکھتے ہیں کہ اس کے استعمال سے سانس لینے میں دشواری کو ختم کیا جا سکتا ہے۔

کافی میں پائی جانے والی کیفین کی وجہ سے پییپھڑوں کے پٹھوں کو پرسکون کرنے میں مدد ملتی ہے۔ اس کے علاوہ بلیک کافی کا استعمال دمہ کی علامات کی شدت کو بھی کم کرتا ہے۔ علامات کی شدت کم ہونے سے سانس آسانی کے ساتھ لیا جا سکتا ہے۔

ادرک کو استعمال کریں

سانس کی نالی کے انفیکشن کی وجہ سے اگر آپ کو سانس لینے میں مشکلات کا سامنا ہے تو ادرک کو استعمال کیجیے۔ اس سے آپ کو سانس کی تنگی ختم کرنے میں مدد ملے گی۔

کچھ تحقیقات بھی یہ ظاہر کرتی ہیں کہ ادرک میں اینٹی وائرل اور سوزش کو کم کرنے والی خصوصیات پائی جاتی ہیں۔ ان کی وجہ سے پیپھڑوں کے پٹھوں کو مضبوط کرنے میں مدد ملتی ہے۔ تاہم اس بات کو آپ یقینی بنانا ہے کہ ادرک کو نارمل مقدار میں ہی استعمال کیا جائے۔

مزید پڑھیں: دہی کے فوائد

آکسیجن تھراپی

جن لوگوں کو سانس لینے میں مسئلے کا سامنا کرنا پڑتا ہے، ان کے لیے آکسیجن تھراپی بھی تجویز کی جا سکتی ہے۔ اگر آپ کے خون میں آکسیجن کا لیول کم ہے تو آپ کا معالج اس تھراپی کا مشورہ دے گا۔

آکسیجن تھراپی کے لیے آپ کے ناک میں یا چہرے پر ماسک لگایا جاتا ہے اور آپ کو آکسیجن دی جاتی ہے۔

یہاں پر آپ قوت مدافعت بڑھانے والی غذاؤں کے متعلق جان سکتے ہیں۔

سانس لینے میں دشواری کی دعا

سانس لینے میں دشواری کی یہ دعا آپ پڑھ سکتے ہیں۔

اَللّٰهُ اَكْبَرُ اَلْحَمْدُ لِلّٰهِ حَمْدًا كَثِيْرًا ‌طَيِّبًا ‌مُّبَارَكًا ‌فِيْهِ

کوشش کیجیے کہ دعا کے ساتھ دوا بھی کی جائے۔ یہ سانس لینے میں دشواری کا بہترین علاج ثابت ہو گی۔

آخری الفاظ

اس بلاگ میں سانس لینے میں دشواری کی دعا، علاج، اور وجوہات بیان کر دی گئی ہیں۔ سانس کی تنگی کے ان علاجوں پر عمل کریں اور صحت مند زندگی گزاریں۔

سوالات و جوابات

Saans Ki Tangi Ka Ilaj

سانس کی تنگی کے علاج کے لیے آپ سانس لینے کا صحیح طریقہ اپنائیں، ورزش کریں، اور گرم مشروبات کے استعمال کو یقینی بنائیں۔

Sans Lene Me Dushwari Ki Dua