ٹریویامیٹ ٹیبلیٹس ذیابیطس ٹائپ ٹو کے مریضوں میں گلائسیمک کنٹرول کو بہتر بنانے کے لیے استعمال کی جاتی ہیں۔ خاص طور پر ان مریضوں میں جن کے لیے غذا اور ورزش مؤثر ثابت نہ ہو رہی ہوں۔ اور ان کے گلائسیمک کنٹرول میں بہتری نہ دیکھی جا رہی ہو۔
اس سے پہلے کہ ہم ٹریویامیٹ پر مزید بات کریں ہمیں گلائسیمک کنٹرول کو سمجھنا ہو گا۔ بلکہ اس سے پہلے اگر گلائسیمک انڈیکس پر بات کر لی جائے تو وہ زیادہ مفید ہو گا۔ گلائسیمک انڈیکس اس نمبر کو کہا جاتا ہے جس کی مدد سے یہ پتہ چلایا جاتا ہے کہ ایک غذا کتنی تیزی سے آپ کی بلڈ شوگر کو بڑھاتی ہے۔
مثال کے طور پر اگر آپ روٹی یا بریڈ کھاتے ہیں تو اس صورت میں یہ دیکھا جائے گا کہ یہ چیزیں کتنی تیزی سے بلڈ شوگر میں اضافہ کر رہی ہیں۔ امید ہے کہ اب آپ کو گلائسیمک انڈیکس کا اندازہ ہو چکا ہو گا۔ لہذا اب ہم گلائسیمک کنٹرول پر بات کر لیتے ہیں۔
گلائسیمک کنٹرول ذیابیطس کے شکار مریض میں بلڈ شوگر مینج کرنے کے عمل کو کہا جاتا ہے۔ تا کہ مریض کو مزید کسی مشکلات کا سامنا نہ کرنا پڑے۔ یہاں تک آتے ہوئے آپ پر یہ بھی واضح ہو چکا ہو گا کہ ٹریویامیٹ کیسے زیابیطس ٹائپ ٹو کے مریضوں کے لیے مفید ثابت ہو سکتی ہے۔
Treviamet Tablet Uses and Ingredients
یہ تو آپ نے جان لیا ہے کہ ٹریویامیٹ ذیابیطس ٹائپ ٹو کے مریضوں کو تجویز کی جاتی ہے۔ تا کہ وہ مؤثر طریقے سے گلائسیمک کنٹرول کو بہتر بنا سکیں۔ لیکن آخر ایسی کیا بات ہے جو ٹریویامیٹ کی افادیت میں اضافہ کرتی ہے؟
وہ بات اس میں پائے جانے والے بنیادی اجزا ہیں۔ اس میں سیٹاگلپٹن اور میٹفارمین ایچ سی ایل پائے جاتے ہیں جو اس کو ایک مؤثر دوا بناتے ہیں۔ بات کو مزید آگے بڑھانے سے پہلے ہم ان اجزاء کو تفصیل سے جان لیتے ہیں۔
سیٹاگلپٹن ادویات کے ایسے گروپ سے تعلق رکھتا ہے جو ٹائپ ٹو کے مریضوں کے علاج کے لیے استعمال کی جاتی ہیں۔ جب آپ سیٹاگلپٹن کو لیتے ہیں تو یہ آپ کے جسم میں انسولین کے لیول کو بڑھاتی ہے تا کہ مؤثر طریقے سے بلڈ شوگر کو کنٹرول کیا جا سکے۔
سیٹاگلپٹن کے ساتھ عام طور پر غذا کو تبدیل اور ورزش کرنے کا بھی مشورہ دیا جاتا ہے۔ تا کہ اس کی افادیت کو بڑھایا جا سکے۔ سیٹاگلپٹن کو تفصیل سے جاننے کے بعد اب ٹریویامیٹ میں پائے جانے والے دوسرے جز پر بات کرتے ہیں۔ یعنی میٹفارمین ایچ سی ایل پر۔
میٹفارمین ایچ سی ایل بھی ذیابیطس ٹائپ ٹو کے مریضوں میں بلڈ شوگر کو کنٹرول کرتی ہے۔ اور یہ ایف ڈی اے سے منظور شدہ دوا ہے۔ یہ دونوں اجزا ہی بلڈ شوگر کو کنٹرول کرنے میں مدد دیتے ہیں۔
اب ذرا یہ سوچیں کہ ایک دوا میں ان دونوں کی موجودگی دوا کو کتنا اہم بنا دیتی ہے۔ ٹریویامیٹ میں ان اجزاء کی موجودگی اس بات کا ثبوت ہے کہ یہ دوا ذیابیطس ٹائپ ٹو کے مریضوں کے لیے انتہائی مفید ہے۔
Other Uses of Treviamet in Urdu
کیا آپ جانتے ہیں کہ ٹریویامیٹ کو دوسری ادویات کے ساتھ بھی استعمال کیا جا سکتا ہے۔ ان ادویات میں سلفونی لوریاز شامل ہیں۔ سلفونی لورزیا ایسی ادویات کو کہا جاتا ہے جو آپ کے لبلبے کو اس قابل بناتی ہیں کہ وہ زیادہ انسولین پیدا کرے۔ جس سے بلڈ شوگر کو کنٹرول کرنے میں مد ملتی ہے۔
جب آپ ٹریویامیٹ کو سلفونی لوریاز کے ساتھ استعمال کریں گے تو کوشش کریں کہ اس کے ساتھ غذا میں بھی تبدیلی لائی جائے۔ کیوں کہ اگر آپ غذا کو تبدیل نہیں کریں گے تو یہ ادویات اس طرح کے اپنی افادیت ظاہر نہیں کریں گی۔ جیسے انہیں کرنی چاہیے۔
اس کے علاوہ ٹریویامیٹ کو انسولین کے ساتھ بھی استعمال کرنے کا مشورہ دیا جاتا ہے۔ مثال کے طور پر جن مریضوں کو انسولین لگائی جاتی ہے انہیں یہ کہا جاتا ہے کہ اس دوا کو استعمال کرو۔ اس کے علاوہ انہیں ورزش کرنے اور غذا میں تبدیلی لانے کا بھی مشورہ دیا جاتا ہے۔
یہاں تک آتے ہوئے آپ یہ بات بخوبی سمجھ چکے ہوں گے کہ اس دوا کے ساتھ ورزش اور غذا کی کتنی اہمیت ہے۔ بس تمثیلی انداز میں یہی سمجھ لیں کہ ورزش اور غذا ٹریویامیٹ کی افادیت کو دوگنا کر سکتی ہیں۔
Detailed Information About Treviamet
اب ہم ٹریویامیٹ کے کچھ مزید پہلوؤں پر بات کر لیتے ہیں۔ جس سے آپ کو اس کے متعلق تمام معلومات مل جائے گی۔ ہم یہاں اس کے مضر اثرات اور اس کی ڈوز وغیرہ پر بات کریں گے۔
Treviamet Tablet Side Effects in Urdu
یہ سوال سبھی کے ذہن میں آ رہا ہو گا کہ کیا ٹریویامیٹ کے کوئی نقصانات بھی ہیں یا نہیں۔ اس سوال کا جواب ہمیں گیٹز فارما دے گی۔ گیٹز فارما پاکستان کی ایک مستند فارماسوٹیکل کمپنی ہے۔ جس کی جانب سے یہ دوا بنائی جاتی ہے۔
زیادہ تر افراد کو ٹریویامیٹ ٹیبلیٹ استعمال کرنے کی صورت میں متلی کا سامنا کرنا پڑ سکتا ہے۔ اس لیے اپنے ڈاکٹر سے پوچھ لیں کہ دوا کو کیسے استعمال کرنا ہے۔ ڈاکٹر کے مشورے کے مطابق یہ دوا استعمال کرنے سے متلی کے خطرات کم ہو جائیں گے۔
اس کے علاوہ کچھ لوگوں کو غنودگی، اسہال، پیٹ کے اوپر والے حصے میں درد، اور بلڈ شوگر میں کمی کا سامنا کرنا پڑ سکتا ہے۔ یہی وجہ ہے کہ میں آپ کو مشورہ دوں گا کہ اس کو ڈاکٹر کی ہدایات کے مطابق ہی استعمال کریں۔ یہ نہ ہو کہ آپ کو مضر صحت اثرات کا سامنا کرنا پڑ جائے۔
بعض اوقات ٹریویامیٹ کو دوسری ادویات کے ساتھ بھی استعمال کیا جاتا ہے۔ اس صورت میں یہ ممکن ہے کہ آپ کو سردرد، قبض، یا منہ کی خشکی کا بھی سامنا کرنا پڑے۔ ان اثرات میں سے اگر کوئی شدت اختیار کر جائے تو فوری طور پر اپنے ڈاکٹر سے رابطہ کریں۔
Treviamet Tablet Dosage for Patients in Urdu
گیٹز فارما کے مطابق ٹریویامیٹ کو تجویز کرنے سے پہلے مریض کی حالت کو دیکھا جاتا ہے۔ اور پھر یہ چیک کیا جاتا ہے کہ دوا مریض کے لیے کس قدر مفید ہو گی۔
عام طور پر مریضوں کے لیے ٹریویامیٹ 500/50 کی ایک گولی کافی ہوتی ہے۔ تاہم کچھ مریضوں کو اسے صبح شام استعمال کرنے کا مشورہ دیا جاتا ہے۔ پھر وہی بات کہ آپ کا ڈاکٹر ہی اس بات کا فیصلہ کرے گا کہ آپ کو یہ دوا کتنی مقدار میں لینی ہے۔
Treviamet Tablet Price in Pakistan
ٹریویامیٹ کی گولی تین فارمز میں آتی ہے۔ ان میں سے ہر فارم کی قیمت مختلف ہوتی ہے۔ مثال کے طور پر ٹریویامیٹ 500/50 کی قیمت 850/50 سے مختلف ہو گی۔ اس لیے یہ گولیاں خریدتے وقت دیکھ لیں کہ آپ کو کون سی فارم کی ضرورت ہے۔
Treviamet 50/500 Price in Pakistan
ٹریویامیٹ 500/50 کی قیمت اڑھائی سو روپے کی لگ بھگ ہوتی ہے۔ یہ قیمت ہر فارمیسی پر مختلف ہو سکتی ہے۔ کئی مرتبہ میڈیکل اسٹورز نے ڈسکاؤنٹ آفر لگائی ہوتی ہے۔ جس سے یہ دوا آپ کو سستے میں مل جاتی ہے۔
Treviamet 50/1000 Price in Pakistan
ٹریویامیٹ 1000/50 کی قیمت دو سو ستر روپے کے لگ بھگ ہوتی ہے۔ عمومی طور پر میرا مشورہ یہی ہوتا ہے کہ کوئی بھی دوا خریدنے سے پہلے ایک دو میڈیکل سٹور سے قیمت معلوم کر لینی چاہیے۔ اس سے یہ ہو گا کہ کوئی بھی فارمیسی آپ سے اضافی رقم نہیں لے سکے گی۔
Conclusion About Treviamet Uses in Urdu
اس بلاگ میں ہم نے کوشش کی ہے کہ آپ تک ہر معلومات پہنچا دی جائے۔ یہ دوا کس طرح کام کرتی ہے اور اس کو کیسے استعمال کرنا چاہیے، اب تک یہ بات آپ پر واضح ہو چکی ہو گی۔ اگر آپ بھی ذیابیطس ٹائپ ٹو کا شکار ہو چکے ہیں تو ٹریویامیٹ کو اپنے ڈاکٹر کے مشورے سے استعمال کر سکتے ہیں۔
ٹریویامیٹ کو استعمال کرنے کے ساتھ آپ کو ورزش کی عادت بھی اپنانا ہو گی۔ اور ان غذاؤں کا استعمال بھی ترک کرنا ہو گا جو فوری طور پر آپ کی بلڈ شوگر کو بڑھا دیتی ہیں۔ ایسے مزید بلاگز پڑھنے کے لیے ایور ہیلدی کو باقاعدگی سے وزٹ کرتے رہیں۔
FAQs
What is Treviamet tablet used for?
ٹریویامیٹ کو عام طور پر بلڈ شوگر کو کنٹرول کرنے کے لیے تجویز کیا جاتا ہے۔ یہ ان لوگوں کو استعمال کرنے کا مشورہ دیا جاتا ہے جو ذیابیطس ٹائپ ٹو کے شکار ہو چکے ہیں۔ یہ دوا اکیلی بھی استعمال کی جا سکتی ہے۔ جب کہ اس کو دوسری ادویات کے ساتھ کمبی نیشن کے طور پر بھی استعمال کیا جا سکتا ہے۔
Is Treviamet taken before or after food?
ٹریویامیٹ کو لینا کیسے ہے، کھانے سے پہلے یا بعد میں۔ بہتر یہی ہو گا کہ اس سوال کا جواب آپ کا ڈاکٹر دے۔ کیوں کہ ایک ڈاکٹر ہی بتا سکتا ہے کہ آپ کی ذیابیطس کس سطح پر ہے۔ اور کس طرح استعمال کرنے سے آپ کو کسی مضر صحت اثر کا سامنا نہیں کرنا پڑے گا۔
What is the combination of Treviamet?
ٹریویامیٹ میں بنیادی طور پر دو جز پائے جاتے ہیں۔ ان دو اجزا میں سیٹاگلپٹن اور میٹفارمین ایچ سی ایل شامل ہے۔ یہ دونوں مؤثر طریقے سے بلڈ شوگر کو کنٹرول کرنے میں مدد دیتے ہیں۔ یہ مریض کے جسم میں انسولین کا لیول بڑھاتے ہیں۔ جس سے ذیابیطس ٹائپ ٹو کو کنٹرول کرنے میں مدد ملتی ہے۔
