کیا آپ بھی ذہنی طور پر مضبوط ہونا چاہتے ہیں؟ اور کیا آپ کی بھی یہی خواہش ہے کہ دوسروں کی طرح سمارٹ نظر آئیں؟ تو پھر آپ ورزش کو اپنی روٹین میں شامل کیوں نہیں کرتے۔ ورزش ہی وہ واحد چیز ہے جو آپ کو بنا پیسے خرچے صحت مند بنا سکتی ہے۔ ایس لیے آج ہم تفصیل سے ورزش کے فوائد پر بات کرنے لگے ہیں۔
باقاعدگی سے ورزش کی عادت اپنانے سے نہ صرف آپ سے بیماریاں دور رہیں گی بلکہ آپ کی انرجی کا لیول بھی برقرار رہے گا۔ اس کے علاوہ ورزش کی مدد سے آپ اپنی زندگی میں بھی اضافہ کر سکتے ہیں۔ تو پھر چلیے بات کرتے ہیں کہ کس طرح جسمانی ورزش آپ کو فائدہ پہنچاتی ہے۔
ورزش کے فوائد
ورزش کرنے کی روٹین اپنائیں اور صحت مند بننے کے سفر کا آغاز کریں۔
وزن میں کمی
ورزش کو موٹاپہ کا بہترین علاج سمجھا جاتا ہے۔ اگر آپ ورزش کرنے کی عادت کو اپنا لیتے ہیں تو اس سے تیزی سے وزن میں کمی آنا شروع ہو جاتی ہے۔ تبھی تو ورزش کو وزن کم کرنے کا طریقہ بھی کہا جاتا ہے۔
تاہم آپ کو ورزش کے ساتھ صحت مند غذائیں بھی استعمال کرنا ہوں گی۔ اگر آپ ورزش کے ساتھ فاسٹ فوڈ جیسی غذائیں استعمال کریں گے تو شاید آپ کو اس قدر مفید نتائج حاصل نہ ہوں جتنے آپ توقع کر رہے ہوں۔ ورزش کی مدد سے صحت مند وزن کو برقرار بھی رکھا جا سکتا ہے۔
ورزش کی عادت اپنا کر صحت مند غذا استعمال کریں۔ پانی کو زیادہ مقدار میں پئیں۔ اس روٹین پر صرف چند ہفتوں کے لیے عمل کریں۔ یقین کیجیے کہ صبح کی ورزش کے فائدے آپ کو حیران کر دیں گے۔
سگریٹ نوشی سے نجات
اس میں تو کوئی شک نہیں کہ ہر کوئی سگریٹ نوشی کے نقصانات سے واقف ہوتا ہے۔ بہت سارے لوگوں کو سگریٹ نوشی چھوڑنے کے لیے مدد کی ضرورت ہوتی ہے۔ ایسے لوگوں کے لیے سب سے بہترین مدد ورزش ہے۔
ورزش کی مدد سے آپ ابتدائی طور پر سگریٹ نوشی میں کمی لے آئیں گے۔ آپ کو سگریٹ پینے کی طلب بھی کم ہو گی۔ اس کے علاوہ آپ کو صحت مند وزن برقرار رکھنے میں بھی مدد ملے گی۔
جنسی زندگی میں بہتری
کیا آپ کی جنسی زندگی مسائل کا شکار ہے؟ کیا بحثیت عورت آپ کا سیکس کرنے کو دل نہیں کرتا؟ اور کیا بحثیت مرد آپ مردانہ کمزوری کا شکار ہیں؟ اگر آپ عورت ہیں اور آپ کا سیکس کرنے کا دل نہیں کرتا تو ورزش کی عادت اپنائیں۔ اور مردوں کے لیے ورزش تو مردانہ کمزوری کا بہترین علاج ہے۔
ورزش کی وجہ سے مردوں اور عورتوں کے انرجی لیولز میں اضافہ ہوتا ہے۔ جس کی وجہ سے ان کی جنسی تعلق قائم کرنے کی خواہش میں اضافہ ہو جاتا ہے۔ اس کے علاوہ ورزش کرنے سے آپ کی فزیک میں بھی بہتری آتی ہے۔ اس وجہ سے آپ ہر بار کانفیڈنس کے ساتھ اپنے پارٹنر سے سیکس کر سکتے ہیں۔
بیماریوں کے خطرات میں کمی
صبح کی ورزش کے فوائد میں یہ بھی شامل ہے کہ اس کی مدد سے کئی دائمی بیماریوں کے خطرات کو کم کیا جا سکتا ہے۔ مثال کے طور پر ورزش کرنے کی وجہ سے ذیابیطس ٹائپ ٹو اور دل کی بیماریوں کے خطرات کم ہوں گے۔
اس کے علاوہ ورزش کی مدد سے آپ ہائی بلڈ پریشر کو بھی کنٹرول کر سکتے ہیں۔ کولسیٹرول کے لیولز کو بھی ورزش سے کنٹرول کرنا آسان ہو جاتا ہے۔ لیکن کوشش کیجیے کہ اس روٹین پر باقاعدگی سے عمل کیا جائے۔
ورزش کے فوائد اور جِلد کی صحت
ورزش کی مدد سے جِلد کی صحت کو بھی بہتر بنایا جا سکتا ہے۔ اس کی وجہ سے آپ کی جِلد میں نکھار پیدا ہوتا ہے۔ لیکن کیا آپ وجہ جانتے ہیں کہ کیسے جِلد کی صحت میں بہتری آتی ہے؟
جب آپ ورزش کرتے ہیں تو اس سے آکسی ڈیٹو سٹریس میں کمی آتی ہے۔ کیوں کہ آپ کے جسم میں فری ریڈیکلز کی تعداد میں کمی ہو چکی ہوتی ہے۔ورزش کی عادت سے جسم میں فری ریڈیکلز کو کنٹرول کرنے میں مدد ملتی ہے۔ اس سے جِلد کو نقصان نہیں پہنچتا۔
ورزش کی عادت سے آپ جِلد پر جھریاں بھی نمودار نہیں ہوتیں۔ اور جِلد کی رنگت بھی نکھرنا شروع ہو جاتی ہے۔ تو پھر آپ ورزش کو اپنی روٹین میں کیوں نہیں شامل کر رہے؟
ہڈیوں کی مضبوطی میں اضافہ
کیا آپ بھی ہڈیوں اور پٹھوں کی مضبوطی میں اضافہ کرنا چاہتے ہیں؟ تو پھر اس کے لیے آپ کو ورزش کرنا ہو گی۔ جب آپ ورزش کرنے کی عادت کو اپناتے ہیں تو اس سے آپ کی ہڈیاں اور پٹھے مضبوط ہونا شروع ہو جاتے ہیں۔
ورزش خاص طور پر بچوں کی ہڈیوں کو مضبوط بناتی ہے۔ اس کے علاوہ عمر میں اضافے کی وجہ سے آپ کی ہڈیوں کو بھی کم نقصان پہنچتا ہے۔ تو پھر آج ہی ورزش کو اپنی روٹین میں شامل کریں اور پٹھوں اور ہڈیوں کو صحت مند بنائیں۔
قوت مدافعت میں اضافہ
ورش آپ کی قوت مدافعت میں تیزی سے اضافہ کرتی ہے۔ اس کو اگر قوت مدافعت بڑھانے والی غذاؤں کے ساتھ استعمال کیا جائے تو دوگنا فوائد حاصل کیے جا سکتے ہیں۔
آپ کا مدافعتی نظام بہتر ہونے سے جسمانی سوزش میں کمی واقع ہوتی ہے۔ اس سے آپ کو موٹاپے جیسی بیماریوں سے بچاؤ میں مدد ملتی ہے۔ جب کہ کینسر کی کئی اقسام کے خطرات میں بھی کمی آتی ہے۔ مثال کے طور پر بڑی آنت، بریسٹ، مثانے، اور پھیپھڑوں کے کینسر کے خطرات کم ہو جاتے ہیں۔
دماغ کی صحت میں بہتری
ورزش کی وجہ سے آپ کے دماغ کی صحت بہتر ہوتی ہے۔ یادداشت میں اضافہ ہوتا ہے۔ اس کے علاوہ آپ کے سوچنے کی صلاحیت بھی بہتر ہوتی ہے۔ ورزش کرنے سے آپ کے دل کی دھڑکن تیز ہوتی ہے۔ اس وجہ سے آپ کے دماغ میں آکسیجن اور خون کی روانی بڑھ جاتی ہے۔
ورزش کرنے سے دماغ میں ایسے ہارمونز پیدا ہوتے ہیں جو دماغ کے سیلز کی افزائش میں مدد فراہم کرتے ہیں۔ آپ جانتے ہیں عمر میں اضافے کی وجہ سے جسم اور دماغ پر اثرات مرتب ہوتے ہیں۔ لیکن پریشان مت ہوئیے۔ ورزش ان اثرات کی شدت کو کم کر دے گی۔
ورزش کے فوائد کو تو ہم نے تفصیل سے جان لیا ہے۔ اب ہم جان لیتے ہیں کہ کیا ورزش کے نقصان بھی ہوتے ہیں یا نہیں۔
ورزش کے نقصانات
دیکھیے اگر آپ ورزش کو رہنمائی اور احتیاط کے ساتھ کریں گے تو آپ کو کسی بھی قسم کے نقصان کا سامنا نہیں کرنا پڑے گا۔ تاہم اگر آپ احتیاط کا دامن چھوڑ کر ورزش کریں گے تو آپ چوٹ یا انجری کا سامنا کرنا پڑ سکتا ہے۔
اس کے علاوہ زیادہ ورزش کے نقصانات میں یہ بھی شامل ہے کہ اچھی نیند نہیں آئے گی۔ اس کے علاوہ آپ کے پٹھے اور مسلز بھی متاثر ہو سکتے ہیں۔
ورزش کے فوائد پر شعر
وقت کرتا ہے پرورش برسوں
حادثہ ایک دم نہیں ہوتا
برسوں پہلے میں نے یہ شعر ورزش کے مضمون پر پڑھا تھا۔ یہ ورزش کے فوائد پر یہ ایک بہترین شعر ہے۔ اگر آپ ورزش نہیں کرتے اور دل کی بیماریاں آپ کو اپنا شکار بنا لیتی ہیں تو اس میں کسی اور کا قصور نہیں ہو گا۔ کیوں کہ کافی سالوں یا مہینوں سے آپ ورزش جو نہیں کر رہے۔
اختتام
اس بلاگ میں ورزش کے فوائد اور نقصانات کو تفصیل سے لکھ دیا گیا ہے۔ اب آپ کو چاہیے کی ورزش کی عادت کو اپنائیں۔ یہ نہ صرف آپ کے لیے مفید ہو گی، بلکہ آپ کی آنے والی نسلیں بھی آپ کا شکریہ ادا کریں گی۔ ورزش کے متعلق مزید معلومات کے لیے ایور ہیلدی سے جڑے رہیں۔
سوالات و جوابات
ورزش کے فوائد کیا ہیں؟
ورزش کی مدد سے آپ کو وزن کم کرنے میں مدد ملتی ہے۔ اس کے علاوہ کئی دائمی بیماریوں کے خطرات میں واضح کمی آتی ہے۔ جس کی وجہ سے آپ صحت مند زندگی گزارنا شروع ہو جاتے ہیں۔
جسمانی ورزش سے ہمارے جسم پر کیا اثرات مرتب ہوتے ہیں؟
جسمانی ورزش سے آپ کی فزیک بہتر ہوتی ہے۔ آپ کو اپنا کانفیڈنس بڑھانے میں مدد ملتی ہے۔ اس کے ساتھ ساتھ آپ کی یادداشت اور دماغ کی صحت میں بھی بہتری آتی ہے۔
ورزش ہمارے لیے کیوں ضروری ہے؟
ورزش آپ کے لیے بہت ضروری ہے کیوں کہ یہ آپ کی سیکس کرنے کی صلاحیت میں اضافہ کرتی ہے۔ اس کی وجہ سے آپ کو مردانہ کمزوری کا سامنا نہیں کرنا پڑتا۔
ورزش کب کرنی چاہئے؟
یہ آپ پہ منخصر ہے کہ آپ کب ورزش کرتے ہیں۔ صبح یا شام کو ورزش کرنا آپ کے لیے زیادہ فائدہ مند ہو سکتا ہے۔
ورزش سے کیا مراد ہے؟
جسم کو حرکت دینے کو ورزش کا نام دیا جاتا ہے۔ کھیل کود بھی ایک طرح کی ورزش ہی ہے۔ حیران مت ہوئیے گا لیکن سیکس کو بھی ایک ورزش ہی کہا جاتا ہے۔ کیوں کہ سیکس کے دوران بھی آپ کیلوریز کو برن کرتے ہیں۔
ورزش کی کتنی اقسام ہیں؟
ورزش کی بہت ساری اقسام ہیں۔ ان میں سر فہرست کارڈیو، ایروبِک، اور ویٹ لفٹنگ ہیں۔
روزانہ کتنی واک کرنی چاہئے؟
طبی ماہرین کے مطابق ہر روز کم از کم دس ہزار قدم چلنا چاہیے۔ دیکھ لیجیے کہ آپ کتنی دیر میں دس ہزار قدم چل سکتے ہیں۔
