کیا آپ بھی موٹاپے کا شکار ہیں اور چاہتے ہیں کہ آسانی کے ساتھ وزن کم ہو جائے؟ گھبرانے کی ضرورت نہیں ہے، اب وزن میں کمی لانا بہت زیادہ مشکل نہیں ہے۔
آپ اپنی زندگی میں تبدیلی لا کر وزن میں تبدیلی کے سفر کا آغاز کر سکتے ہیں۔ اس بلاگ میں ہم وزن کم کرنے کے طریقے پر بات کریں گے اور یہ جانیں گے کہ وزن کم کرنے والی غذائیں کون سی ہیں۔
لیکن اس سے پہلے ہمیں یہ جاننا ہو گا کہ وزن میں اضافہ کیوں ہوتا ہے اور موٹاپے کی وجوہات کیا ہوتی ہیں۔
موٹاپے کی وجوہات
وزن میں اضافہ یا موٹاپے کی بہت ساری وجوہات ہوتی ہیں۔ مثال کے طور پر اگر آپ کے جسم کو دن بھر میں پندرہ سو کیلوریز کی ضرورت ہے اور آپ دو ہزار کیلوریز لیتے ہیں۔ اور ساتھ میں ورزش بھی نہیں کرتے تو آپ کا جسم ان پانچ سو کیلوریز کو محفوظ کرنا شروع کر دے گا۔
جس کی وجہ سے آپ کے جسم میں چربی بننا شروع ہو جائے گی۔ اس کے علاوہ فاسٹ فود کے استعمال، ذہنی دباؤ، الکوحل کے استعمال، اور رات کو دیر تک جاگنے سے بھی وزن میں اضافہ ہو سکتا ہے۔ تو چلیے پھر وزن کم کرنے کے دیسی علاج پر بات کرتے ہیں۔
وزن کم کرنے کا طریقہ
وزن کم کرنے کے طریقے یا دیسی علاج پر بات کرنے سے پہلے اگر ہم ڈائٹ پلان پر بات کر لیں تو یہ زیادہ مفید ہو گا۔
وزن کم کرنے کا ڈائٹ پلان
میرا یقین کیجیے کہ وزن کم کرنے کا ڈائٹ پلان بنانا اب بالکل بھی مشکل نہیں ہے۔ گوگل پر جا کر آپ کیلوری کیلولیٹر سرچ کر سکتے ہیں۔
اس کیلولیٹر کی مدد سے آپ جان سکیں گے آپ کو دن بھر میں کتنی کیلوریز کی ضرورت ہے۔ ان کیلوریز کو مد نظر رکھ کر آپ وزن کم کرنے کا ڈائٹ پلان بنا سکتے ہیں۔ یاد رہے کہ ہر فرد کے لیے یہ پلان مختلف ہو گا۔
وزن کم کرنے کا ڈائٹ پلان بناتے وقت اس بات کا خیال رکھیں کہ اس میں ایسی غذائیں شامل کر رہے ہیں جو نیوٹرنٹس سے بھرپور ہیں۔ اس سے آپ وزن کم کرنے کا ایک بہترین دیسی علاج اپنا لیں گے۔
مزید پڑھیں: گرین ٹی کے فوائد
وزن کم کرنے والا قہوہ
مارکیٹ میں آپ کو وزن کم کرنے والے بہت سے قہوے ملیں گے۔ لیکن مسئلہ یہ ہے کہ ان قہوؤں کی افادیت پر بہت زیادہ طبی تحقیقات موجود نہیں ہیں۔ جب کہ کئی لوگ وزن کم کرنے والا قہوے میں چینی استعمال کرتے ہیں جو کہ وزن کم کرنے والے عمل میں قطعی مفید نہیں ہے۔
وزن کم کرنے کے لیے آپ باقاعدگی کے ساتھ گرین ٹی استعمال کر سکتے ہیں۔ اس میں موجود اجزاء وزن کم کرنے کے عمل میں تیزی لے کر آتے ہیں اور آپ کا ہاضمہ بھی بہتر ہوتا ہے۔ اس کے ساتھ ساتھ آپ ارل گرے ٹی بھی استعمال کر سکتے ہیں۔
ارل گرے ٹی دو چیزوں کا مکسچر ہوتی ہے: بلیک ٹی اور برگاموٹ۔ یہ وزن کم کرنے کا بہترین دیسی علاج ثابت ہو گی۔
مزید پرھیں: ارل گرے ٹی کے فوائد
پروٹین کا استعمال
وزن کم کرنے کی جب بات آتی ہے تو پروٹین کے استعمال کو سب سے زیادہ ضروری سمجھا جاتا ہے۔ حتی کہ پروٹین کو نیوٹرنٹس کا بادشاہ بھی کہا جاتا ہے۔
جب آپ وزن کم کرنے کے عمل کو شروع کرتے ہیں تو آپ کا میٹابولزم اس میں نہایت اہم کردار ادا کرتا ہے۔ اس پہلے کہ ہم اس مزید بات کریں، پہلے ہم یہ جان لیتے ہیں کہ میٹابولزم کیا ہوتا ہے۔ میٹابولزم جسم میں واقع ہونے والے کیمیکل ری ایکشنز کو کہا جاتا ہے جو خوراک کو انرجی میں تبدیل کرتے ہیں۔
جب آپ پروٹین کو زیادہ مقدار میں استعمال کرتے ہیں تو یہ میٹابولزم کی سپیڈ میں اضافہ کر دیتا ہے۔ اس کے ساتھ ساتھ پروٹین کے استعمال سے آپ کو بھوک بھی کم لگتی ہے۔ جس کی وجہ سے آپ کم کیلوریز لینا شروع کر دیتے ہیں۔
وزن کم کرنے کی ایکسر سائز
وزن کم کرنے کی ایکسرسائزز بہت زیادہ ہیں۔ آپ اپنی مرضی سے ان میں سے کوئی بھی منتخب کر سکتے ہیں۔ لیکن ایک بات یاد رکھیں کہ یہ ایکسر سائزز تبھی مفید ثابت ہوں گی جب آپ صحت مند غذائیں استعمال کریں گے اور کیلوری کاؤںٹ میں کمی لائیں گے۔
وزن کم کرنے کی سب سے بہترین ایکسر سائز واک ہے۔ کوچز اور طبی ماہرین یہ تجویز کرتے ہیں ہر انسان کو دن میں کم از کم دس ہزار قدم چلنا چاہیے۔ اس کے علاوہ آپ جم میں بھی جا سکتے ہیں۔ اس کے ساتھ ساتھ ایرو بک ایکسر سائزز بھی وزن کم کرنے میں مفید ثابت ہوتی ہیں۔
لیکن یہ بات آپ کو بہرحال یاد رکھنی ہو گی کہ وزن کم کرنے کی ایکسر سائزز چند ہفتوں یا ماہ بعد اپنی افادیت ظاہر کرنا شروع کریں گی۔
مزید پڑھیں: بہی کے فوائد
وزن کم کرنے والی غذائیں
وزن کم کرنے والی غذائیں ایسی نہیں ہیں کہ ان کی لسٹ بنا کر آپ کو دے دی جائے اور کہا جائے کہ یہ وزن کم کریں گی۔ یاد رکھیے کہ وزن کم والی غذائیں تبھی مفید ثابت ہوں گی جب آپ کیلوری کاؤنٹ کو مد نظر رکھیں گے۔
ان غذاؤں میں سرفہرست انڈے، گوشت، مچھلی، اور خشک میوہ جات شامل ہیں۔ لیکن آپ یہ سب غذائیں متوازن مقدار میں ہی استعمال کریں گے۔ مثال کے طور پر اگر آپ کے جسم کو پندرہ سو کیلوریز کی ضرورت ہے تو آپ ان غذاؤں سے ہزار یا بارہ سو کیلوریز لیں گے۔
یقین کریں کہ یہ وزن کم کرنے کا بہترین دیسی علاج ہو گا۔
یہاں آپ قوت باہ کا دیسی علاج جان سکتے ہیں۔
لہسن سے وزن کم کرنے کا طریقہ
لہسن بھی وزن کم کرنے کا ایک بہترین طریقہ ہے۔ اس کے استعمال سے بھوک میں کمی آتی ہے۔ جس سے آپ زیادہ کھانے سے محفوظ رہتے ہیں۔
اس کے ساتھ ساتھ لہسن میں چربی کو ختم کرنے والی خصوصیات بھی پائی جاتی ہیں۔ اس لیے وزن کو کم کرنے کے پراسس میں آپ لہسن کو استعمال کر سکتے ہیں۔ اس کا استعمال وزن کم کرنے کا بہترین طریقہ ثابت ہو گا۔
کچھ آخری الفاظ
یہ بلاگ وزن کم کرنے کے طریقوں کو تفصیل سے بیان کرتا ہے۔ وزن کم کرنے کے دیسی علاج سے لے کر ایکسر سائزز تک ہر مفید چیز کو بیان کرتا ہے۔ اس بلاگ کو خود بھی پڑھیں اور لوگوں کے ساتھ بھی شئیر کریں تا کہ دوسرے بھی اس سے فائدہ اٹھا سکیں۔
