کیا آپ کی یادداشت بھی کمزور ہو چکی ہے؟ کیا آپ کو بھی یہ یاد نہیں رہتا کہ پچھلی شام بٹوہ اور کار کی چابیاں کہاں رکھی تھیں؟ اور کیا آپ نئے سیکھے ہوئے اسباق یا اسکلز بھول جاتے ہیں؟ اب آپ کو پریشان ہونے کی ضرورت نہیں ہے۔ ہم جانتے ہیں کہ چیزوں کو بھول جانا کس قدر مسئلے کا باعث بنتا ہے۔ اسی لیے آپ آج یادداشت کی کمزوری کا علاج جانیں گے۔
بہت سارے لوگوں کی عمر میں اضافے کی وجہ سے یادداشت کم ہونے لگتی ہے۔ حتی کے انہوں کے لوگوں کے نام بھی یاد نہیں رہتے۔ یادداشت، حافظے، یا میموری کو بہتر بنانا ایسے لوگوں کے لیے ضروری ہو جاتا ہے۔ لیکن مناسب رہنمائی نہ ہونے کی وجہ سے وہ یہ نہیں جان پاتے کہ حافظے کو کیسے بہتر بنایا جایا سکتا ہے۔
اس بلاگ میں آپ وہ سب طریقے جان سکیں گے جو آپ کی یادداشت میں بہتری لائیں گے۔ چاہے آپ جوان ہیں یا بوڑھے، یہ طریقے آپ کے لیے ایک معجزہ ثابت ہوں گے۔ اگر آپ جوان ہیں تو یہ آپ کی یادداشت کو نہ صرف برقرار رکھیں گے بلکہ بڑھائیں گے بھی۔ اگر بوڑھے ہو چکے ہیں تو یہ طریقے یادداشت کو بہتر بنانے میں مدد فراہم کریں گے۔ تو چلیے پھر یادداشت کی کمزوری کو دور کرنے کے طریقے جانتے ہیں۔
یادداشت کی کمزوری کا علاج
ان طریقوں کی مدد سے یادداشت کی کمزوری کا علاج آپ کے لیے نہایت آسان ہو جائے گا۔
ورزش اور یوگا کریں
ورزش اور یوگا کے فائدے تو کسی سے بھی پوشیدہ نہیں ہیں۔ لیکن کیا آپ یہ بات جانتے ہیں کہ ورزش اور یوگا سے یادداشت کو بھی بہتر بنایا جا سکتا ہے؟ لیکن کیسے؟ آپ کے ذہن میں بھی یہی سوال ہو گا۔
جب آپ ورزش یا یوگا کرتے ہیں تو آپ کے پورے جسم میں خون کی روانی بہتر ہوتی ہے۔ حتی کے دماغ کو بھی خون کی سپلائی میں اضافہ ہوتا ہے۔ یہی اضافہ پھر آپ کو یادداشت بڑھانے میں مدد دیتا ہے۔
طبی ماہرین کے مطابق یادداشت کے مسائل کے شکار افراد کو ہفتے میں کم از کم ایک سو پچاس منٹ ورزش ضرور کرنی چاہیے۔ یہ ورزش اگر ایروبک ہو تو اور زیادہ اچھا ہو گا۔ اگر آپ کے پاس وقت کی کمی ہے تو ہفتے میں پچھہتر منٹ سخت ورزش کر لیں جیسا کہ جوگنگ۔
اس کے علاوہ یوگا کی بھی مختلف قسمیں ہے جو آپ باقاعدگی کے ساتھ کر سکتے ہیں۔ یوگا بھی نہ صرف آپ میں خون کی روانی بہتر بنائے گا بلکہ ذہنی دباؤ کو بھی کم کرنے میں مدد فراہم کرے گا۔
نیند کے دورانیے میں اضافہ
یادداشت یا حافظہ کیسے مضبوط ہو؟ اگر آپ نیند پوری لیتے ہوتے تو آپ کو یہ سوال پوچھنے کی ضرورت ہی نہ ہوتی۔ ہم میں سے کوئی بھی سات سے نو گھنٹوں کی صحت مند نیند نہیں لیتا۔ اور پھر ہم ہی شکوہ کر رہے ہوتے ہیں کہ ہماری یادداشت کمزوری ہو گئی ہے۔
جب آپ سوتے ہیں تو آپ کو چیزوں کو یاد رکھنے میں آسانی ہوتی ہے۔ یہ نیند ہی تو ہے جو آپ کو چیزوں کو لمبے عرصے تک یاد رکھنے میں مدد فراہم کرتی ہے۔ نیند کی افادیت کا اندازہ اس بات سے لگائیں کہ جو بچے زیادہ دیر نہیں سوتے ان کی بھی یاد رکھنے اور سیکھنے کی صلاحیت متاثر ہوتی ہے۔
اگر آپ نیند کو نہیں آتی تو پھر نیند کی کمی کا بہترین علاج لیجیے۔ نیند کے دورانیے میں اضافہ کرنے سے آپ کی یادداشت بہتر ہو گی اور حافظہ تیز ہو گا۔
دوسروں کے ساتھ وقت بتائیں
بہت سارے لوگوں کو اکیلا رہنے کی عادت ہوتی ہے۔ وہ تنہائی کو پسند کرتے ہیں۔ لیکن کیا آپ جانتے ہیں کہ تنہائی ہی وہ چیز ہے جو آپ کی یادداشت کو متاثر کر سکتی ہے۔
طبی ماہرین اسی لیے تو دوستوں، فیملی، اور رشتے داروں کے ساتھ بات کرنے کی ترغیب دیتے ہیں۔ کسی کے ساتھ وقت بتانے سے آپ کا ذہنی دباؤ کم ہوتا ہے۔ آپ معلومات لیتے اور دیتے ہیں۔ اس سے آپ کو چیزوں کو یاد رکھنے میں بھی آسانی رہتی ہے۔ کیوں کہ کسی سے ملاقات کرنے سے آپ بہت ساری نئی باتیں سیکھتے ہیں۔
اگر آپ کو چیزوں کے نام یاد رکھنے میں مشکل پیش آ رہی تو دوسروں کے ساتھ زیادہ وقت بتائیں۔ ان کو اپنے مسائل بتائیں۔ مسائل کا حل پوچھیں۔ یہ سبھی سرگرمیاں آپ کو یادداشت بڑھانے میں مدد دیں گی۔
متوازن غذا کھائیں
متوازن غذا سے کیا مراد ہے؟ یہ ایسی غذا کو کہتے ہیں جس سے آپ کو منرلز، وٹامنز، اور نیوٹرنٹس حاصل ہوں۔ متوازن غذا کا نام سن کر پریشان مت ہوں۔ یہ کوئی مہنگی غذا نہیں ہے۔ بلکہ چیا سیڈز اور ہلدی جیسی غذائیں ہیں۔ چیا سیڈز اور ہلدی کو جب آپ استعمال کریں گے تو آپ کو بہت سے فوائد حاصل ہوں گے۔
ہلدی کے علاوہ آپ اپنی غذا میں پھل، سبزیاں، اور دالیں بھی استعمال کیجیے۔ یہ سبھی چیزیں آپ کی صحت کو برقرار رکھیں گی۔ آپ کی قوت مدافعت کو بڑھائیں گی۔ جس سے آپ کی دماغی صحت بھی بہتر ہو گی اور آپ کو یادداشت کے مسائل بھی لاحق نہیں ہوں گے۔
اس کے علاوہ آپ کو صحت مند مشروبات بھی استعمال کرنے چاہئیں۔ پانی زیادہ پئیں۔ فریش جوسز بھی استعمال کیے جا سکتے ہیں۔ یہ سبھی چیزیں حافظہ کو مضبوط کرنے کا علاج ثابت ہوں گی۔
ذہنی دباؤ میں کمی
ذہنی دباؤ آپ کی جسمانی صحت کے ساتھ یادداشت کو بھی متاثر کرتا ہے۔ اسی لیے طبی ماہرین کی جانب سے ذہنی دباؤ کا مؤثر علاج لینے کی تجویز دی جاتی ہے۔ تا کہ آپ کی جسمانی و دماغی صحت متاثر نہ ہو۔
ذہنی دباؤ اور یادداشت کا آپس میں گہرا تعلق ہے۔ جتنا آپ کو ذہنی دباؤ زیادہ ہو گا اتنی ہی آپ کو چیزوں کو یاد رکھنے میں مشکل پیش آئے گی۔ کوشش کیجیے کہ جن وجوہات کی بنا پر آپ کو ذہنی دباؤ کا سامنا ہے، ان وجوہات پر قابو پائیں۔ اس سے نہ صرف آپ کی جسمانی صحت میں بہتری آئے گی بلکہ یادداشت کی کمزوری کا علاج بھی ہو گا۔
فش آئل سپلیمنٹس
فش آئل سپلیمنٹس بھی بھولنے کی بیماری کا بہترین علاج ہے۔ ان سپلیمنٹس کو استعمال کرنے سے آپ کی جسمانی سوزش میں کمی واقع ہوتی ہے اور آپ کو ذہنی دباؤ کو کم کرنے میں بھی مدد ملتی ہے۔ ایک طبی تحقیق کے مطابق بھی فش آئل سپلیمنٹ بھولنے کی بیماری کا علاج ثابت ہو سکتا ہے۔
آخر فش آئل کو ہی کیوں یادداشت کو تیز کرنے کے لیے استعمال کیا جاتا ہے؟ کیوں کہ اس سپلیمنٹ میں اومیگا تھری فیٹی ایسڈز پایا جاتا ہے۔ اور اومیگا تھری دماغی صحت کے لیے بہت زیادہ فائدہ مند ہوتا ہے۔ تو پھر یادداشت کے مسائل لاحق ہونے سے پہلے فش آئل سپلیمنٹ کو اپنی روٹین میں شامل کر لیجیے۔
وزن میں کمی لائیں
آپ کے لیے جسم اور دماغ کو صحت مند رکھنے لیے وزن میں کمی لانا نہایت ضروری ہوتا ہے۔ صحت مند وزن برقرار رکھنے سے بہت سی بیماریوں کے خطرات کم ہو جاتے ہیں۔ یاد رہے کہ صحت مند وزن تب تک نہیں ہو گا جب تک آپ اپنے جسم اور خاص طور پر پیٹ سے چربی نہیں پگھلا لیتے۔
یادداشت کی کمزوری کا شکار افراد کے لیے یہ ضروری ہوتا ہے کہ وہ پیٹ کی چربی پگھلانے کے طریقے کو جانیں۔ اس سے ان کے لیے وزن میں کمی لانا آسان ہو جائے گا۔ وزن میں کمی لا کر آپ جسمانی سوزش کو بھی کم کر سکتے ہیں۔ اس سے بھی یادداشت پر مثبت اثرات مرتب ہوتے ہیں۔
دائمی بیماریوں سے بچیں
دائمی بیماریوں سے بچاؤ بھی حافظہ کی کمزوری کا علاج ہے۔ آپ کے لیے ہائی بلڈ پریشر، ذیابیطس، اور موٹاپے سے بچنا ضروری ہوتا ہے۔ کیوں کہ یہ سبھی بیماریاں آپ کی یادداشت کو متاثر کرتی ہیں۔
ان بیماریوں سے بچاؤ کے لیے آپ کسی طبی ماہر سے بھی رہنمائی لے سکتے ہیں۔ لیکن اس کا سب سے آسان طریقہ یہ ہے کہ صحت مند غذا استعمال کریں۔ ورزش کرنے کی عادت کو اپنائیں۔ اور کوشش کریں کہ ذہنی دباؤ آپ کو متاثر نہ کرے۔
کچھ آخری الفاظ
یادداشت کی کمزوری کا علاج آپ نے جان لیا ہے۔ اگر آپ کو یادداشت یا حافظہ کی کمزوری لاحق ہو چکی ہے تو پریشانی کی کوئی بات نہیں ہے۔ ان علاج کی مدد سے آپ آسانی کے ساتھ یادداشت کو بہتر اور حافظے کو تیز کر سکتے ہیں۔
سوالات و جوابات
بھولنے کی بیماری کیا ہے؟
بھولنے کی بیماری کی وجہ سے آپ کے لیے چیزوں کے نام یاد رکھنا مشکل ہو جاتا ہے۔ حتی کہ آپ گھر کو جانے والے رستے بھی بھول سکتے ہیں۔ اس کے علاوہ آپ کے لیے نئی سکلز سیکھنا بھی مشکل ہوتا ہے؟
حافظہ کیسے مضبوط ہو؟
حافظہ مضبوط کرنا کوئی بہت مشکل کام نہیں ہے۔ اس کے لیے آپ ورزش کر سکتے ہیں۔ صحت مند غذا کو اپنی روٹین کا حصہ بنا سکتے ہیں۔ اس کے علاوہ حافظہ کو مضبوط بنانے کے لیے آپ فش آئل بھی استعمال کر سکتے ہیں۔
حافظہ کی کمزوری کا علاج کیا ہے؟
حافظہ کی کمزوری کا علاج نہایت آسان ہے۔ ورزش اور یوگا کیجیے۔ ذہنی دباؤ اور دائمی بیماریوں سے بچیں۔ اور کتابیں پڑھا کریں۔
یاداشت کی تعریف کیا ہے؟
یادداشت آپ کی کسی بھی چیز یا فرد کے نام یا کسی اور معلومات کو یاد رکھنے کی صلاحیت کو کہا جاتا ہے۔ بعض اوقات آپ کی یادداشت کمزور بھی ہو سکتی ہے۔
